Eftir góða kvöldstund hjá Jónu, Önnu Birnu, Elfu og Þórey þar sem aðalfundur barst í tal greip okkur smávegis tryllingur og við skelltum okkur á að bóka íbúð fyrir okkur á Stykkishólmi 7.-9.október. Þetta var gert í þeirri von að við komumst allar þá, annars verður þetta bara djamm fyrir þá sem komast og við finnum nýjan tíma fyrir aðalfund.

Halló, halló félagar!

Veður.is vefurinn er bilaður en skv. langtímaspá á yr.no á hitastigið á Ólafsfirði að vera -1 til 2 gráður næstu helgi. Og það á að snjóa. Á Siglufirði á þetta að vera örlítið skárra, 2-4 gráður.

Hvað segið þið um að gefa þessu séns eitthvað fram í vikuna en breyta um staðsetningu ef spáin heldur áfram að vera svona? Mér sýnist t.d. miðað við þessa spá að það ætti að vera 2-10 stig og sólskin í Skorradal...

 Hvað segið þið svo ?  Er ekki bara málið að tjalda þar sem minnst verður frostið  ....brrrr..... En hverjir ætla að mæta og hvenær ( er að verða svo forvitin ), koma Jói og Jódís?, mæta allir á fimmtudagskvöld ? (nema kannski ekki Lára og co).  Hvað langar ykkur svo til að gera?  17. júní skrúðganga á Siglufirði, piknik og almennur fíflagangur í Héðinsfirði, sund á Ólafsfirði, rúntur um Eyjafjörð með viðkomu á stöku stað ???  Eða bara hvað ?? Sameiginlegur matur ( hvað á þá að borða og hver kemur með hvað?) á laugardagskvöld ( föstudagskvöld?) eða fara saman út að borða?  Gaman að vita hvað ykkur langar 

Jæja stelpur nú er þetta bara alveg að skella á..
hitastigið reyndar enþá svoldið kalt ,, en eiga ekki allir lopapeysur í massavís.. ullarteppi og ´húfur.. já í fleirtölu til öryggis..

Hafið þið eitthvað hugsað um þetta hvernig þið viljið hafa þetta. 
T.d hvar viljum við tjalda..
Er þetta ekki málið að skoða.. Siglufjörð.  Ólafsfjörð, gönginn,    Taka svo jafnvel eitthvað af eyjafirði ef að það er tími til þess...   Ég hef t.d aldrei komið inn í botn eyjafjarðar svo ég muni eftir..
Komið með hugmyndir endilega,, langanir ,, óskir,, gleði og gaman saman ..
vúhú...

Óska ykkur gleðilegs árs .. þakka fyrir það gamla og góða sem er að líða.
Sjáumst vonandi oftar á nýju ári.

kv Anna b

Er það ekki annars rétt skilið hjá mér? Helgina 8.-10. október skellum við okkur í sumarbústað einhversstaðar í Borgarfirðinum sem Þórey hefur boðist til að sjá um að panta... vinsamlegast leiðréttið ef ég er að fara með einhverjar rangfærslur.

Ákvað að stofna bara annan póst um þetta, það verður alltaf svo erfitt að lesa sig í gegnum fjöldann af athugasemdunum annars.

En þá er það bara þetta hvað við viljum gera og hvað við ætlum að borða.

Persónulega er ég eiginlega bara hlynnt því að gera sem minnst. Spila, spjalla, borða, liggja í bleyti í pottinum og kannski bara vandra eitthvað þarna í nágrenninu.

Varðandi fæði þá legg ég til að við náum einum classic brunch í ferðinni, vöfflur með ís, súkkulaðisósu og jafnvel bailey's kakó væri líka fín hugmynd. En kvöldmatur á laugardagskvöldi... við erum nú búnar að prófa ýmislegt... frá racklette til kjötsúpu. Held við höfum gert það áður en hvað segið þið um fajitas/tacos? Svo gæti það náttúrulega verið saltkjöt, svið, lambalæri eða kannski bara einhver sniðugur kjúklingaréttur í ofni... koma svo, tjá sig! Er alveg að detta af stað í heljarmikla tilklökkun! 

Sælir félagar!

Er að spá í að ríða á vaðið og koma með tillögu að dagsetningu fyrir aðalfund 8.-10. október.

Ég hef heyrt að það sé áhugi á að skreppa í sumarbústað og er búin að athuga með VR á þessum tíma. Eins og það stendur í dag væri hægt að fá bústað í Miðhúsaskógi fyrir 15.500 kr. eða íbúð á Akureyri fyrir 12.000 kr.

Hvernig er staðan hjá ykkur? Varðandi dagsetningu og hvað þið viljið helst gera?

Sælir félagar!  Hvað segið þið um kvöldmat á laugardagskvöldið, eigum við að hafa hann sameiginlegan eins og verið hefur ??  Ef við höfum það þannig, þá getum við Lára séð um að koma með kjöt og hún sagðist geta komið með kartöflur líka.  Ef þið hin skiptuð þá með ykkur rest.  Hvað segið þið um það ?

Sælar skvísur
Var bara að pæla með tímasetningu með útileguna
Var ekki pælinginn að fara helgina eftir 17 júni ?
Komast ekki allir þá ..

Hlakka til að sjá ykkur..
Þið norðan snúllur ,, hvenær haldið þið að þið verið komnar í bæinn ?
Ætlum við að reyna að hittast eitthvað á föstudagskvöldinu ??

hæhó
Nú styttist í vorið og gleðina
Hvenær viljið þið svo hittast í vorfund
og hvað viljið þið gera ?

Gleðilegt ár mínar elskulegu vinkonur.
Takk fyrir frábært ár og vonandi verða þau mörg fleiri framundan.
Strax farin að hlakka til vorfundarins og útilegu í sumar.

Jæja, ég ætla að henda hér inn drögum að dagskrá!

10:30 - Afmælisbrunch í Hvannahlíð 5 (ég veit það á engin okkar afmæli þennan dag, en þið vitið við hvað er átt). MIKIÐ spjallað.
12:00 - Förum að hugsa okkur til hreyfings (og koma börnunum í pössun, ég gerði ráð fyrir að þau myndu borða með okkur). Þar sem við höfum löngum verið þekktar fyrir trúrækni, eða að minnsta kosti kirkjusókn í þessum ferðu okkar, legg ég til að við fáum leyfi til að gera stutt stopp í Sjávarborgarkirkju, ég verð að játa að ég hef aldrei komið inn í hana!
13:00-14:30 Sund í Varmahlíð. Já ég veit, gömul tugga en, það er alltaf fínt að bleyta aðeins í sér útvortis áður en maður byrjar á því innvortis.
14:30-15:30 Eftir sundið var ég að spá í að leggja til ís í KS Varmó, en þar sem maður getur aldrei verið viss um hvort hann sé til eða hvort ísvélin sé biluð vil ég breyta því og legg til að við förum í kaffi á Hótel Varmahlíð. Ég held að þá væri jafnvel sniðugt fyrir okkur að panta með smá fyrirvara og athuga hvort hún Þórhildur getur ekki hrist eitthvað ljúffengt fram fyrir okkur.
15:30-17:30 Fikrum okkur úteftir aftur með viðkomu hjá Pálínu á Gili, en ég held að við gætum allar haft gaman að því að skoða gallerýið hjá henni.
17:30-21:00 Nei, þetta var ekki tilviljun... og mér er full alvara þegar ég óska eftir því að fá að hafa kveikt á Arsenal leiknum. En það þarf hins vegar ekki að koma í veg fyrir að ég geti spjallað við ykkur líka, tekið þátt í kvöldverðarundirbúningi o.þ.h. Sem sagt, meiri matur og meira spjall. Þetta er líka tíminn sem við ættum að koma útileguumræðunni á dagskrá... Ég hef ekki viðbrögð frá neinum nema Þórey við breytingatillögum.
21:30-23:30 Tónleikar í Miðgarði með Ljótu hálfvitunum og Hvanndalsbræðrum. Og nei, ég hef heldur ekki fengið viðbrögð frá neinum nema Þórey við þessari tillögu minni. Hitt veit ég að mig langar að fara - mér finnst eiginlega synd að vera á svæðinu og láta þetta tækifæri til þess að fara á tónleika í Miðgarði með tveimur bráðhressum hljómsveitum! Ég hef ekki kynnt mér það en ég geri fastlega ráð fyrir að það verði sætaferðir af Króknum og frameftir.
23:30 -  og svo lengi sem við höldum út. Nú eru ýmsir möguleikar í boði. Við gætum málað miðbæ Sauðárkróks rauðan, eða bara haft örlítið hægara um okkur og hent okkur í pottinn heima hjá Þórey með einn kaldan og þannið lungun eins og okkur einum er lagið...

Jæja hvað finnst ykkur? Þetta er svona alla vega ein hugmynd! En svo gætum við líka t.d. tekið Lýtó dag. Það eru aðeins fleiri óvissuþættir en við gætum t.d. athugað hvort við gætum fengið hestasýningu á Varmalæk, látið opna fyrir okkur sundlaugina á Steinsstöðum, kíkt í kaffi á Bakkaflöt, fengið einhverskonar handverkskynningu hjá Sigrúnu á Stórhóli... Skoðað kirkjuna á Mælifelli hehe, eða Goðdölum. Gengið fram í ábæ eða að Merkigili... En jæja, fyrstu drög alla vega komin!

Ég gleymdi náttúrulega að segja, Lára það er leitt að þú getir ekki verið með okkur allan daginn. En eins og þú bentir réttilega á þá erum við að verða vanar því. En hefurðu einhverja hugmynd um það hvenær þú gætir verið komin að hitta okkur?

Ég ákvað bara að skrifa nýja færslu hérna þar sem fólk var hætt að commenta á hinn póstinn... er t.d. ekki búin að fá nein viðbrögð við því hvað ykkur finnst um að kíkja á Hvanndalsbræður og Ljótu Hálfvitana í Miðgarði...

Ég veit að ykkur finnst ég mjög leiðinleg þegar kemur að þessu en þar sem mínir menn í Arsenal eru að spila þarna á laugardeginum þætti mér nú líka vænt um að hafa kveikt á sjónvarpinu yfir þeim leik (getum sleppt hljóðinu ef þið þjáist mikið fyrir það). Leikurinn byrjar 17:30 svo mér finnst svo sem líklegt að við værum komnar í Hvannahlíðina á þeim tíma til að græja kvöldið (eða jafnvel byrjaðar á kvöldinu!). Ég á ennþá eftir að leggjast aðeins yfir túristahugmyndirnar, en það kemur sko...

Annað sem ég held að við ættum að setja aðeins í umhugsun og ég veit að hefur eitthvað verið rætt innan hópsins er hvort að við eigum eitthvað að skoða annað fyrirkomulag um val á staðsetningu útilegu næsta sumars? Ein leið væri t.d. að allar settu sínar hugmyndir hér inn og við gætum rökrætt hverja staðsetningu fyrirfram (og maður þá haft kosningabaráttu fyrir sinn stað) og svo kosið um valkostina á aðalfundinum...

Jæja skvísur
Hvernig viljið þið hittast í aðalfund ?
Hugmynd kom fram um daginn að hafa hann fyrstu helgina í nóv
hvernig hljómar 7-8 nóv hjá ykkur ?

Kíkka á partí plönin og förum að skipuleggja hvert við viljum fara
Hlakka til að heyra í ykkur .

kv Anna